شوئيل قديمان آبادترين آبادي ايشكور بو، هاندي خونه و صفا كه شوئيل دشت شايد رحيم آبادم ندشت. اما ايسه چي ببه كي شوئيل ايتو وكته مو خوجير دونم اما الان گوته منم.چي بگوم كه اگر بگوم مي مچه سوجه اگرم نگوم مي خاشه دله سوجه.
اييم چن ته عكس خم بنهم شوئيلي جي سو ساله قبل شهريور بو بيته بوم. يه دوربين خيلي ارزان قيمته همرا كه او موقع دشتم . يته عكسن يه قديمي خونه هيسه كه كاملا اونه فوسنن و او يته ديگر سي سرهيسه يه محل شوئيلي نيزديكي كه يه پيلا دره سر يه قشنگه دشت هيسه كه اويه گندوم كاري كونن. .
مي نظر در مورد وجه تسميه شوئيل اين هيسه:
شو=شوهر
ايل= ده
پس شوئيل بون =ده شوهر
اي ايل كه گوم معني ده دهه، الان گيليكي مئن د ايستفاده نبون، اما كردي مئن ايستفاده كونن و خوب شومو دونين كه گيليكي، تاليشي و تاتي كسنه همرا خيلي قرابت درن.
اما اينكه گالشي گيليكي جي جودا كونن مو قبول ندرم چون خو مردمي كي اي مناطق زيندگي كونن خو زوانه گون گيليكي و اي مطاليبي كه الان خونده درين مو دقيقا هو زوانه همرا بنويشتم هر چند شايد خيلي اصيل نبون چون خيلي از لغتنه مو نودونم و امي مردمه ذهني جي فراموشابه.